РУСКИ КЕРЕСТУР – У Руским Керестуре, у старей школи, пондзелок 24. юлия, почал турнир у малим фодбалу 3 на 3.
Вельочислена публика могла уживац у фодбалу хтори пририхтали дзешец екипи на отвераню турнира. На тот турнир приявели ше аж 14 екипи, хтори подзелєни до двох ґрупох: La Familia, Savino Selo, Newcastle, Indijanci, Ambijent GS, Menadzere, Comfort SDR, Young Boys, Baustelci, Pravi Alkoholicare, Jasike Vrbas, Luxor Furniture, Dionis Bar и Namestaj Maja.
Векшином то екипи зоз Керестура, алє єст приявени и зоз Кули, Лалитю, Вербасу, Савиного села.
Першого вечара на турниру одбавени пейц змаганя и зазначени слїдуюци резултати:
Baustelci – Luxor Furniture 2:5, Young Boys – Dionis Bar 1:3, Comfort SDR – Newcastle 0:2, La Familia – Savino Selo 4:3 и Menadzere – Indijanci 9:5.
Уход шлєбодни.
Орґанизаторе турниру 3 на 3 то Иван Чапко и Янко Хома.
