ДЮРДЬОВ – У 16. колу Подручней фодбалскей лиґи Нови Сад, хторе одбавене 10. марца у Сримскей Каменїци, фодбалере ФК Бачка 1923 зоз Дюрдьова страцели у стретнуцу зоз фодбалерами Фрушкогорца, зоз резултатом 1:0.
Стретнуце вельо лєпше почала домашня екипа. Лєпше ше знаходзела на терену и частейше водзела лабду. Госци мали даскельо добри нагоди за ґол, алє ґолман Бачки то схопно одбранєл.
У другим полчаше фодбалере Бачки яґод же цалком страцели мотивацию за бависко, а то домашня екипа вихасновала на свой хасен. У 71. минути Дюрдьовчанє прияли ґол и теди уж було обачлїве же до конца стретнуца резултат нє будзе пременєни.
Вельке число жовтих картонох на стретнуцу, три за домашнїх и три за фодбалерох Бачки, алє и опомнуце за тренера дюрдьовскей Бачки, указую же на терену нє було спортского справованя.
После того кола Бачка на шестим месце на таблїчки зоз двацец єдним бодом. У шлїдуюцим колу дюрдьовски фодбалере на домашнїм терену привитаю фодбалерох зоз Футоґу.