РУСКИ КЕРЕСТУР – Дружтво за руски язик, литературу и културу, Секция Дружтва у Руским Керестуре, 28. юния подаровало даскельо свойо виданя Дзецинскей заградки „Цицибан” у Руским Керестуре.
Кнїжки у мено Дружтва и Секциї до „Цицибану” придали Ирина Папуґа и Мария Надь, а прияла их Олена Рац. Медзи подарованима виданями и 29. число Зборнїка роботох Studia Ruthenica у хторим обявени прилог о 120 рокох предшколского вихованя у Руским Керестуре хторе означене прешлого року.
