РУСКИ КЕРЕСТУР – Екуменски фестивал духовней музики „Емаус Фест“, будзе отримани у Марийовим святилїщу, Водици, 1. юния 2024. року, на 20 годзин.
Перше таке стретнуце отримане прешлого року и з оглядом же є на окремни способ прияте у нашим ширшим окруженю и заєднїци, орґанизаторе жадаю принєсц єдно нове искуство котре виполнї шерца и души нащивительом. Того року орґанизаторе жадаю превозисц самих себе и змоцнїц повязаносц учашнїкох, патрачох и Господа.
Орґанизаторе фестивала Рух фоколара, Здруженє гражданох „Пакт Рутенорум”, парохиялни Каритас и Месна заєднїца Руски Керестур.