ЧУРОҐ – У 11. колу Подручней фодбалскей лиґи Нови Сад, хторе одбавене 27. октобра у Чуроґу, фодбалере ФК ,,Бачка 1923” зоз Дюрдьова победзели у стретнуцу зоз фодбалерами ФК ,,Гайдук”, зоз резултатом 1:8.
Ґоли за Бачку посцигли Деян Тривунович у шестей и шейдзешат шестей минути, Саша Рац у осмей минути, Миладин Срданов у шейдзешат другей миути, Стефан Тривунович у шейдзешат штвартей минути, Оґнєн Маркович у шейдзешат осмей и осемдзешат першей минути и Неманя Надьфей у осемдзешат шестей минути. Домашня екипа посцигла ґол у 58. минути.
После того кола Бачка на єденастим месце на таблїчки зоз єденац бодами. У шлїдуюцим колу фодбалере дюрдьовскей Бачки на домашнїм терену ше стретню зоз фодбалерами Фодбалского клубу ,,Стражилово” зоз Сримских Карловцох.