РУСКИ КЕРЕСТУР – Русиново младши пионире у своєй Розвойней лиґи, всоботу 21. октобра отримали стретнуце на своїм стадиону процив Сут’єски зоз Бачкого Доброго Поля.
Госци до Руского Керестура пришли зоз двома екипами, та за єдну наступели дзеци народзени 2012. року, хтори од Сут’єски поражени зоз 3:0, а у другей були комбиновани дзеци народзени 2013. и 2014. року, дзе Русин однєсол побиду зоз 4:2.
Перше наступела старша екипа, у хторей госци победзели з резултатом 3:0.
За тоту екипу наступели – Андрей Виславски, Алексей Виславски, Ален Бики, Ерик Русковски, Клара Блаґоєвич, Николина Гарди, Йован Цветичанин, Алекса Шомодї, Денис Цвайґ и Стефан Арва. Тренер Зденко Шомодї.
За шлїдуюцу екипу наступели дзеци народзени 2013. и 2014. року, хтори успишно одбавели процив Сут’єски з резултатом 4:2, а ґоли дали – Даниел Фейди, Кристофер Дудаш, Иван Надь, Давид Гарди.
У тим составе наступели и – Давид Еделински, Страхиня Кршич, Тони Сивч, Лука Зелич, Филип Бурчак, Андрей Надь, Алек Малацко, Давид Колошняї, Стивен Банич, Кристиян Чонка, Тони Надь, Лука Бандич и Виктор Надь, як и рок старши дзивчата Клара Блаґоєвич и Николина Гарди. Тренер обидвом екипом Зденко Шомодї.
У наиходзацим викенду, на соботу 28. октобра русиновци планую одбавиц стретнуце процив оджацкого Текстилцу.