РУСКИ КЕРЕСТУР – Представу українского писателя Ивана Франка „Будка число 27ˮ, у режиї Владимира Надя, тих дньох пририхтую члени Драмского студия АРТ Дома култури у Руским Керестуре. Єй премиєрне приказованє наявене за перши дзень Драмского меморияла Петра Ризнича Дядї.
Слово о любовней приповедки, зоз покус и социялнима и фолклорнима елементами, зоз главним мотивом любови медзи двоїма худобнима, младима людзми.
Ансамбл, по словох режисера, преверени, а у його составе ше найду – Емил Няради, Неманя Вукосав, мац и син Снежана и Мирослав Малацково, Ребека Планчак и Наталия Зазуляк.
Наиходзаци Драмски мемориял Петра Ризнича Дядї, наявени за конєц марца, точнєйше почнє на пияток 21. марца, кеди будзе и премиєрне виводзенє спомнутей представи.
