РУСКИ КЕРЕСТУР – Основна и штредня школа з домом школярох „Петро Кузмяк” нєшка домашня Републичному змаганю зоз аґенцийного и готелиєрского дїлованя.
На змаганю участвую 11 школи з цалей Сербиї, тє. з Беоґраду, Суботици, Нишу, Тителу, Лесковцу, Смедерева, Враня, Индїї, Баїней Башти, Чаєтини и Парачину. За домашню школу змагац ше будзе школярка туристичного напряму Нора Кайра Есе, а менторка єй професорка Бояна Милянич.
Перши дзень змаганя, нєшка 22. марца, змагателє покладаю тест теорийного знаня и Формованя туристичного понуканя, док други дзень, на соботу 23. марца, змагателє вирабяю задаток зоз рецепцийного дїлованя.
Паралелно зоз змаганьом, нєшка будзе отримани и округли стол Републичного активу професорох аґенцийного и готелиєрского дїлованя.
Отверанє Републичного змаганя будзе нєшка на 11 годзин, а преглашенє побиднїка и дзелєнє дипломох на ютре, на 12,30 годзин.
Спонзоре змаганя Општина Кула и Туристична орґанизация општини Кула и Млєкара „Сомболед” зоз Зомбора.
Керестурска Школа домашня Републичному змаганю дзекуюци тому же єй школярка Маша Керекеш влонї, на истим змагананю, завжала перше место.