КОЦУР – На нєдзелю, 13. априла, у Грекокатолїцкей церкви Успения Пресвятей Богородици у Коцуре будзе преславена Квитна нєдзеля.
У шицких богослуженьох того дня парохиянє годни достац пошвецени багнїтки котри за тоту нагоду порихтали члени Церковного добору коцурскей грекокатолїцкей церкви.
Того дня у церковней сали будзе отримани и традицийни Вельконоцни вашар котри и того року орґанизує коцурски парохиялни Каритас „Марийов дом”. Шицки нащивителє годни купиц писанки, паски, рижни прикраски и шицко цо им потребне за наиходзаце швето.