НОВИ САД – Штерацец штварте число новинох „Руске слово” у рубрики Тижньовнїк пише о предвиберанкових активносцох за порядни виберанки за членох националних совитох националних меншинох хтори буду отримани 13. новембра. На Наших местох мож пречитац о вилєтох зоз хторима управа КУД „Тарас Шевченко” зоз Дюрдова обрадовала своїх членох.
Економия пише о Фестивалу меду у Вербаше, а на бокох Култури и просвити мож пречитац о представяню рускей литератури на Беоґрадским сайме кнїжкох.
Духовни живот пише o Стретнуцу младих у Руским Керестуре, а на бокох Людзе, роки, живот у тим чишлє наш госц Емил Буїла зоз Лозници.
На Спорту мож пречитац о одбавених стретнуцох и пласману наших спортистох.
И у тим чишлє єст рубрика Горуци тепши, а вишли и додатки Мозаїк и Дикица.