РУСКИ КЕРЕСТУР – Шнїг котри нападал и затримал ше, мож повесц же обрадовал дзеци и младих валалчанох котри тераз хасную нагоду за жимски бависка.
През дзень, а окреме вечарами по улїцох у валалє мож видзиц числени трактори и авта котри маю наквачени полно саночки, або мехи зоз сламу и за собу цагаю дзеци, младих и родичох.
После седем рокох одкеди нє було шнїгу и правей жими, обновени и обичай заруцованя капуркох, та леґинє заруцую капурки своїм дзивком и товаришком.
Попри тим, Керестурци ше санкаю и спущую зоз шнїгових брещкох и виґажених дражкох на новим населєню, на базену, у лєшику и у дзецинским парку.
Медзимесни драги и далєй углавним розчисцени и сухи, док шнїг по улїцох у валалє розчисцени, алє єст пасмо ляду и уґаженого шнїгу. Тиж так пасмо ляду и уґаженого шнїгу єст и на векшини дражкох за пешакох, як по валалє так и на явних поверхносцох, прецо треба буц осторожни.
