ШИД – Нови 2026. рок жителє општини Шид найвецей дочекали у своїх обисцох зоз фамелию и найблїзшима.
Младши забаву поглєдали у числених кафичох алє атмосфера нє була так шветочна як прешли роки гоч було весело, а анї локална самоуправа нє орґанизовала символични дочек Нового року зоз традицийним огньометом на пол ноци так же шицко прешло скромно.
Весело, медзитим, було у Руским доме у хторим Здруженє жєнох „Маря“ орґанизовало дочек Нового року.
Зоз богату вечеру, добру музику и томболу у вешелю ше дочекало и вчасни ранши годзини.
