ОХРИД (СИВЕРНА МАКЕДОНИЯ) – Аматере Културно-уметнїцкого дружтва „Тарас Шевченко” вчера, 11. авґуста, участвовали на отвераню Медзинародного фестивала „Охридскe озеро” у Охриду, у Сиверней Македониї.
Фестивал отворени зоз дефилеом коло озера, а Дюрдьовчанє ше представели з трома точками: зоз танцом „Дюрдьовски мотиви” и шпиванками „Ей, там на гори” и „Пайташки мойо”.
Фестивал у Охриду тирва од 11. по 14. авґуст, а члени КУД „Тарас Шевченко” ше на тим медзинародним фестивалу преставя зоз нашима рускима танцами, руску шпиванку и нашим народним облєчивом.