КЛЯЇЧЕВО – Фодбалски клуб „Русин” всоботу, 22. новембра, у Кляїчеве одбавел остатнє петнасте першенствене стретнуце ПФЛ Зомбор у тей полусезони процив екипи ФК „Кордун” и зазначел побиду зоз резултатом 2:3.
Ґоли на стретнуцу дали: Деян Югик (2) и Петар Аґбаба (1).
Бавяч сретнуца бул Деян Югик.
За екипу Русина бавели: Михайло Надь, Александар Кочиш, Иван Бранислав, Виктор Надь, Йован Шевич, Деян Югик, Петар Аґбаба, Марко Савич, Иван Планчак, Илия Йованович и Деян Чернок.
До бависка вошли Стефан Тома и Теодор Штранґар, а на лавочки ище були Александар Драґутинович, Владимир Кочиш и Роберт Винаї.
Зоз одбавеним 15. колом, закончела ше и єшєньска часц першенства 2025/26, дзе екипа Русина зоз побиду у Кляїчеве полусезону закончела зоз дзевец побидами, на пейц стретнуцох одбавели нєришено, док страцели лєм на єдним стретнуцу. Освоєли 32 боди и находза ше високим другим месце на таблїчки ПФЛ Зомбор.
