КОЦУР – Вчера, 31. марца, у Колошняйовей сали у Коцуре отримана Рочна скупштина Месней орґанизациї (МО) инвалидних и других пензионерох, на хторей вибране руководительство, винєшени финансийни и звит о активносцох здруженя у прешлим року, а представени и плани за наиходзаци период.
На Скупштини присуствовали коло 70 члени МО пензионерох, котри нови мандат потвердзели дотерашньому руководительству, односно членом Управного и Надпатраюцого одбору, а за предсидателя знова вибрана Андя Хромиш. Подпредсидатель и надалєй будзе Драґо Штрбац, секретар Леона Варґа и касир Драґи Самочета.
Здруженє и у тим року предлужи зоз своїма поряднима активносцами, потим з предаваньом огриви и рижних других поживових артиклох на рати и по вигоднєйших условийох своїм членом, а главни тогорочни циль будзе ушоренє просторийох МО инвалидних и других пензионерох.
На Рочней скупштини присуствовали и предсидатель Дочасового орґану Општини Вербас Милан Ґлушац, предсидатель Совиту Месней заєднїци Коцур Желько Бєлан, як и госци пензионерох з Вербасу, Бачкого Доброго Поля и Змаєва.
