РУСКИ КЕРЕСТУР – На видео платформи Ют’юб, на боку под назву „Нинине авантуре” стреду 30. септембра, обявени видео под назву „Правда о Руским Керестуре: Хто Руснаци и цо ше им случело же би пришли и нараз пошли зоз Сербиї”.
У опису видеа, авторка Нина Ґаврилович наводзи же Руски Керестур єдно зоз найважнєйших местох за Руснацох у Войводини, алє же ше їх приповедна нє закончує у Сербиї и наводзи же ше часц Руснацох зоз тих просторох концом 20. вику преселєла до Канади.
Авторка под час знїманя нащивела наш Национални совит, Замок, Музей, катедралну церкву св. оца Миколая и Марийово святилїще Водицу, а зоз ким и о чим шицко бешедовала можеце опатриц на тим линку.