ДЮРДЬОВ – Всоботу, 10. марца, у сали Културно-уметнїцкого дружтва „Тарас Шевченко” у Дюрдьове, отримани Осмомарцовски концерт, з нагоди Дня женох.
У програми участвовали младши члени Дружтва зоз вецей фолклорних секцийох, шпивацки и музични секциї, як и школяре дюрдьовскей Основней школи „Йован Йованович Змай” и Предшколскей установи „Дюрдєвак”.
И на тот завод сала була полна, а веселих учашнїкох хтори шпивали, грали, танцовали и рецитовали, публика наградзела з моцним аплаузом. По законченю програми домашнї и госци остали дружиц ше, а дзивчата и хлапци зоз виводзацкей фолклорней ґрупи того Дружтва их понукли зоз швижима колачами, котри каждого року пририхтани за тоту нагоду.
