НОВИ САД – Шицки Новосадянє и їх госци, остатнього дня у тим року, годни уживац у цалодньовей програми на даскелїх локацийох у городу.
Уж на 12 годзин, на Площи Републики (при Рибовим пияцу) нащивителє буц мац нагоду коштовац рижни ґастрономски понукнуца локалних погосцительох, а наступя и даскельо ґрупи хтори зоз свою музику дочараю новорочну атмосферу.
У Дунайским парку орґанизовани дзецински дочек Нового року, а програма почнє уж на 11 годзин кед наступя дзецински хори, танєчни студия и театри, а окремне дожице будзе рисованє по специялно направеней статуи, а вшелїяк же ше очекує и приход Дїда Мраза.
У вечаршим терминє на Площи шлєбоди у новорочней ноци наступя ґрупи „Плави оркестар”, „S.A.R.S” и шпивач Дарко Рундек. У Студию „М” годно уживац у техно и реп музики хтору презентую вецей як 10 домашнї, реґионални и иножемни виводзаче, а лєм там ше будзе наплацовац уход.
Орґанизатор дочеку 2018. року у Новим Садзе Фондация „Нови Сад 2021”.