МЛАДЕНОВАЦ – На Першенстве Сербиї у каратеу за кадетох, юниорох и младших сениорох замерковани резултати витворел и Карате клуб „Гайдукˮ зоз Кули, а медзи нїма и Ґлориян Штранґар зоз Руского Керестура.
Першенство отримане у Спортским центру у Младеновцу, 3. и 4. октобра, а змагателє клубу „Гайдукˮ освоєли 11 медалї, од чого три златни, два стриберни и шейсц бронзово медалї.
Злато освоєли Матеа Калмар, Марко Дїсалов и екипа младших сениорох у составе – Михайло Крнаяц, Ґлориян Штранґар и Божидар Мрдак.
Стрибло виборели Милана Корица и Божидар Мрдак, док бронзу освоєли Михайло Крнаяц, Ґлориян Штранґар, Серґей Баран, Стефан Баран екипа юниорох у составе – Серґей Баран, Воїн Милетич и Никола Чордаш, и екипа кадетох у составе – Серґей Баран, Воїн Милетич, Божидар Мрдак, Марко Дїсалов, Лука Жуґич и Стефан Баран.
Матеа Калмар и Серґей Баран буду представяц Сербию на наиходзацим Шветовим шампионату у Польскей.
