КУЛА – У рамикох манеифестациї Мешац кнїжки, Народна библиотека Кула розписала традицийни подобови и литературни конкурс за дзеци и младих. Заинтересовани учашнїки свойо роботи треба же би придали найпознєйше по 30. новембер.
Литературни конкурс розписани у трох катеґорийох – за школярох од першей по штварту класу основней школи, од пиятей по осму класу основней школи, як и за штредньошколцох. Тема литературних роботох шлєбодна, роботи треба придац у друкованей форми, а можу буц написани на шицких службових язикох Републики Сербиї.
Подобови конкурс облапя штири катеґориї – предшколски возрост, школярох од першей по штварту класу, школярох од пиятей по осму класу основней школи и штредньошколцох.
Роботи треба придац до просторийох Народней библиотеки (Ленїнова 17, Кула), а мож их придац и поєдинєчно и ґрупно.
Роботи мож послац и по пошти на исту адресу. Кажда робота треба же би була означена зоз шифру, а потребне приложиц и заварту коверту зоз податками о школярови – мено, презвиско, класа и школа до хторей ходзи, шифра роботи, як и мено и презвиско ментора.
Орґанизаторе окреме надпоминаю же би учашнїки нє хасновали услуги штучней интелиґенциї за писанє литературних роботох.
О датуму преглашованя резултатох конкурсу, як и о додзельованю наградох, Народна библиотека Кула учашнїкох обвисци благочасово.