КУЛА – Новосадски гуманитарни центер, у сотруднїцтве зоз Канцеларию за локални економски розвой Општини Кула, орґанизує пейцдньово обуки за жительох општинох Кула и Апатин, хтори заинтересовани за порушованє власного бизнису.
На тот завод теми обуки буду о розвою локалного туризму, односно о порушованю власней роботи у обласци руралного туризму, еко-туризму, културного туризму, о продуктох валалского туризму, поживи и ґастронимиї.
Найуспишнєйши учашнїки обуки буду мац нагоду свою бизнис-идею приявиц за безповратни пенєжни средства.
Обука почина 9., а будзе тирвац до 13. новембра. Участвованє на обуки безплатне, а шицки трошки зноши Новосадски гуманитарни центер.