Велька ноц преславена и у Коцуре

автор злк
844 Опатрене

КОЦУР – Внєдзелю, 8. априла, и у коцурскей грекокатолїцкей церки Успения Пресвятей Богородици преславена Велька ноц по юлиянским календаре.

На дзень Пасхи у Коцуре було три богослуженя, а Архиєрейска Служба Божа була на 10 годзин после хторей пошвецани кошарки з пасхалним єдзеньом у церковней порти.

Богослуженє и пошвецанє кошаркох служели коцурски парох о. Владислав Рац, капелан о. Данил Задрепко, о. Михайло Шанта, о. Яков Новак и о. Яков Кулич. У Коцуре пошвецена вкупно 331 кошарка.

kocur vladika veljka noc 2

На Други дзень Велькей ноци, 9. априла, владика Кир Георгий Джуджар мировал парохиянох у Велькей Служби Божей, пред ню виронаучни дзеци отримали кратку програму у котрей рецитовали и велїчали тото радосне швето, а владикови подаровали пригодни дарунок.

Пред тим, на Вельки пияток, 6. априла, служена Утриня, а пополадню Вечурня – хованє Исуса Христа – з покладаньом плащанїци, хтору вирни до соботи вечара могли поциловац и помодлїц ше при Христовим гробе. Вечурню служели коцурски парох о. Владислав Рац, капелан о. Данил Задрепко, о. Яков Новак и о. Яков Кулич, а вечар отримана и Дзевятнїца до Божого милосердия и Єрусалимска утриня (Плач мацери Божей).

На Вельку соботу, на 21 годзин було Вельконоцне Всеночне, односно Вечурня зоз Службу и Воскресну Утриню.

kocur vladika veljka noc 3

ПОВЯЗАНИ ТЕКСТИ