Виложени фотоґрафиї трицец авторох

автор апал
1.1k Опатрене

НОВИ САД – У Музею Войводини вчера, 21. децембра, отворена пията рочна вистава фотоґрафийох „Обєктивно 2017”. Своєродну виставу пейц децениї орґанизую фоторепортере дньовей преси – „Дневника” и „Мадяр со”.

На пиятей вистави виложени пейдзешат пейц фотоґрафиї трицец активних фоторепортерох, авторох, хтори кажди дзень през обєктиви призначую шицко цо ше случує на новосадских улїцох. Селектор тогорочней вистави Ана Лазукич, перша жена професийни фоторепортер у дакедишнєй Югославиї.

На вистави з тей нагоди виложени фотоґрафиї фоторепортерох хтори ше оддавна доказали у тей професиї на тих просторох, алє и младшей ґенерациї.

Треба окреме визначиц же на тей вистави медзи виложенима фотоґрафиями место нашли и авторски дїла пейц фоторепортеркох – Чили Давид, Єлени Иванович, Ґордани Йович, Мариї Ерделї и Вероники Вуячич.

Орґанизаторе тей вистави Фото асоцияция Войводини, Музей Войводини, а домашнї дньова преса „Мадяр со”. Вистава будзе отворена по 15. януар 2018. року. 

fotoreportere 2

ПОВЯЗАНИ ТЕКСТИ