Вишол Руски християнски календар за 2019. рок

автор шан
1k Опатрене

НОВИ САД – Найпопуларнєйша руска кнїжка – Руски християнски календар 2019 видрукована як заєднїцке виданє НВУ „Руске слово” и Християнского часопису „Дзвони”, и то на 264 бокох.

Календар понука репрезентативни вибор авторох и темох зоз рижних обласцох нашого духовного, културного и дружтвеного живота, як и красней литератури, социолоґиї, психолоґиї, историї, животу младих, спорту и гумору.

Тогорочни Календар у знаку двох вельких ювилейох – 100-рочнїци снованя Руского народного просвитного дружтва, о чим статю подписує проф. др Янко Рамач, а други важни ювилей то 100-рочнїца присоєдинєня Войводини ґу Кральовини Сербиї 1918. року, на цо ше у напису огляднул проф. Дюра Гарди.

Календар означує и 25-рочнїцу Християнского часописа „Дзвони”, а статю подписує перши редактор часопису Михал Рамач.

Читаче можу пречитац и вецей тексти з обласци култури, духовного живота, нашей прешлосци, психолоґиї, о активносцох младих, а нє вихабени анї литературни твори вецей наших авторох.

У Календаре зазначени и проблеми викладаня виронауки, а представени портрет Дюри Латяка.

Тогорочни Календар мож купиц за 500 динари у просторийох „Руского слова” у Новим Садзе, у нашей онлайн кнїжкарнї и при заступнїкох „Руского слова” – у Руским Керестуре у дописовательстве и при Ксениї Оросовей (025/703-757, 064/0666-884); у Коцуре при  Меланиї Шантовей (Петефи Шандора 47, 021/727-049); у Дюрдьове при Звонкови Салаґови (Светозара Милетича 25, 021 838 055); у Вербаше при Миронови Нярадийови (Сивч Йовґена 86, 064/120-2607); у Новим Орахове при Любомирови Рацови (Руски дом, 024/723-584); у Шидзе (Беркасово, Бачинци, Бикич Дол) при Владимирови Гарвильчакови (062/440-974); у Петровцох, при Желькови Гаргайови (Матиї Ґубца 1, 00385-32-554-152).

ПОВЯЗАНИ ТЕКСТИ