РУСКИ КЕРЕСТУР – Тих дньох вишло 30, а перше и єдине тогорочне число глашнїку Рускей матки (РМ) у Сербиї „Руснак”, а вєдно з нїм и додаток – кнїжочка позбераних творох „Стретнуце поетох” литературних и музичних творительох.
Тогорочни глашнїк приноши написи о виберанкох за Национални совит рускей националней меншини, о пиятим зашеданю Шветовей ради РРЛ у Вуковаре, як и о трецим „Русин филм фесту” у Шидзе и Културней манифестациї „Кед голубица лєцела” у Републики Горватскей.
Ту и звит зоз Стретнуца рецитаторох „Михайло Зазуляк” у Кули и културно-уметнїцкей програми „На чесц др Гавриїлови Костельникови” у Коцуре котри отримани у рамикох „Костельниковей єшенї”.
Представена и нова кнїжка Михайла Фейсу „Бешедуйме по руски/Ґоворимо русински” котру у октобру видало Дружтво за руски язик, литературу и културу.
Видаванє 30. числа глашнїка „Руснак” потримал Покраїнски секретарият за културу, явне информованє и одношеня з вирскима заєднїцами.
