СИВЕЦ – Орґанизаторе 42. Фестивалa акустичней музики Фамус поволую заинтересованих музичарох, кантавторох, же би ше по 10. новембер приявели участвовац на тим Фестивалу хтори ше отримує у Доме култури у Сивцу.
Шицки заинтересовани музичаре треба же би послали свою авторску композицию, кратку биоґрафию, контакт телефон и аудио-видео знїмок писнї. Аудио-видео знїмок треба же би бул зняти зоз камеру телефона у резолуциї 16:9 або векшей, а потребне го послац прейґ WeTransfer, на имейл адресу domkulture.sivac@gmail.com.
Фестивал будзе отримани на соботу, 28. новембра, а о участвованю на Фестивалу и о побиднїкох, и того року будзе одлучовац фахови жири.