НОВИ САД – Нєшка вишло фебруарске число младежского часопису МАК, а „У фокусу” му розгварка зоз Михайлом Бесерменьом, хтори роби и школує ше у Нємецкей, як и з музичаром Алексейом Сивчом.
„МАК-ов колаж” пише о културней активистки Адриани Надь, а „Упечатки” о тим чи млади слухаю руску музику. Медзи иншим, и у тим чишлє мож поробиц тест у рубрики „Упознай себе”, здогаднуц ше, лєбо научиц о прикметнїкох у рубрики „Так и нїяк иншак”.
„Спорт и рекреация” представя рукометашку Николину Зорич, „Алт шоу у МАК-у” спортистку Шейлу Зарубица, „Власни печац” поезию младих, як и Михаела Рамача, хторому фотоґрафия гоби.