РУСКИ КЕРЕСТУР – У рускокерестурскей парохиї св. оца Миколая вчера на раншей Служби Божей означене нєзаповедане швето старозавитних Маковейских мученїкох – (седем братох и їх мацери хтори дали живот за виру до правдивого Бога) Маковея, и пошвецена вода.
Службу Божу служели аж пейцме священїки, предводзел ю домашнї парох о. Михайло Малацко и капелан о. Михайло Шанта, як и троме священїки котри на одпочивку у родним валалє – о. Янко Колошняї и о. Янко Гербут котри службую у Канади и парох беркасовски о. Владимир Еделински Миколка.
По Служби священїки окончели обряд пошвецаня води зоз хтору парох о. Малацко потим пошвецел воду котру вирни принєсли з дому у канчовох украшених зоз квецом, а пошвецел и цали храм и шицких присутних.