ШИД – Всоботу, 6. октобра, у сали Културно-образовного центра у Шидзе, а у рамикох Фестивала театрох „Позориште у свратиште“, хтори орґанизує Културно-образовни центер и режисер Цветин Аничич, госцовала дзецинска драмска секция РКУД „Др Гавриїл Костельник” зоз Кули, зоз представу „ Вай фай принцеза“ по тексту Людмили Шандаловей, а у режиї Нади Лендєр.
Мали ґлумци дочарали як випатра кед ше у велькей мири хаснує информацийни технолоґиї, и добри и подли ситуациї и дожица котри приноша.
После премиєрного виводзеня у Кули, то перше явне виводзенє представи звонка Кули а, по словох Владимира Бучка, предсидателя Дружтва, у планє нащива и другим руским местом.