ШИД – Шнїг на подручу шидскей општини почал падац вчера дополадня, а компетентни служби порихтани за жимске отримованє локалних драгох.
По словох Драґици Милич, руководительки Оддзелєня за инфраструктуру Општинскей управи, пейц порядни екипи пририхтани за отримованє локалних драгох, и ище два кед буду длужей тирвац шнїгово обставини.
Миличова додала за Рутенпрес же обезпечени 50 тони солї и 50 тони ризли за потреби отримованя коло 80 километрох локалних драгох на подручу општини, а кед будзе требац, количества буду звекшани.