Желькови потребне 5 000 евра за операцию очох у Русиї

автор злк
913 Опатрене

КОЦУР – У Коцуре знова порушана гуманитарна акция за Желька Шанту котрому нєопходна ище єдна операция очох у Русиї.

За операцию потребне назберац 5 000 евра до конца юния же би школяр трецей класи Основней школи „Братство єдинство“ пошол до Русиї на операцию очох, односно, на поступок котри ше вола витректомия зоз уводзеньом Озудрекса.

Поволую ше людзе добрей дзеки и тоти котри можу помогнуц зоз своїм добродзечним прилогом же би ше приключели тей гуманитарней акциї.

Донацию мож уплациц на жиро рахунок Желькового оца – Тихомир Шанта, Банка Интеза, а число жиро рахунку: 160-5800101032234-53.

Прешлого року у гуманитарней акциї за Желька назберане 3 000 евра и вон успишно оперовани у Русиї, а тераз му знова потребна помоц. Перша ше до новей гуманитарней акциї уключела ОШ котра вчера орґанизовала гуманитарну журку за школярох од пиятей по осму класу. На журки назберане 14 800 динари.

ПОВЯЗАНИ ТЕКСТИ