ДЮРДЬОВ – Вирни дюрдьовскей парохиї, грекокатолїцкей церкви Рождества Пресвятей Богородици внєдзелю, 6. мая, означели Швето Великомученика Георгия – Дзуря.
У Велькей Служби Божей, котру служел о. Михаил Холошняй, шпивали члени фамилиї Холошняй. На концу Служби у процесиї у парохиялним дворе, наспрам шицких штирох бокох швета пошвецене младе жито котре през цали дзень парохиянє одношели до своїх домох.