ШИД – Вовторок вечар, 14. авґуста, закончена Подобова колония „Видики 2018” хтору треци рок за шором орґанизовало Здруженє сербско-русийского приятельства зоз Шиду.
На колониї участвовали коло 16 маляре зоз Русийскей Федерациї, Болгарскей, Македониї, Босни и Герцеґовини и вецей городох зоз Сербиї.
Уметнїки мали нагоду за 10 днї на платно пренєсц свойо импресиї, а под час колониї настали 27 малюнки хтори остали у Шидзе.
На закончуюцей пригодней програми опрез Владического двору Сербскей православней церкви отримана кратша програма на хторей Мичо Дюкич, предсидатель Здруженя сербско-русийского товаришства придал подзекованя учашнїком и спонзором, а програма була преткана зоз поетскима стихами хтори интерпретовала поетеса Саня Тиркайло и зоз музику и шпиванку.
После програми у будинку Владического двора отворена вистава малюнкох з тогорочней колониї и предлужене друженє учашнїкох и госцох.
