Защитнїк права гражданох нащивел Шид

автор влдї
938 Опатрене

ШИД – Защитнїк права гражданох Зоран Пашалич зоз сотруднїками вчера, 23. октобра, нащивел Шид дзе ше стретнул зоз представнїками локалней самоуправи, а и особнє приял гражданох хтори виношели свойо проблеми.

Омбудсман з тей нагоди виявел же, як и у другох штредкох у Сербиї хтори нащивел, найвецей проблеми вязани за социялно-економски питаня, а у шидскей општини то и специфични питаня хтори виволала миґрантска криза.

Як єден з проблемох визначена и инклузия дзецох миґрантох до основних школох у шидскей општини, дзе було з початку процивеня родичох.

Пашалич гварел же ше тоти питаня муша ришовац по законских предписаньох и же вон порихтани поштредовац и кед, будзе требац, ознова нащиви Шид.

Предраґ Вукович, предсидатель Општини Шид, гварел же вон особнє од початку рока приял коло 200 гражданох хтори мали одредзени проблеми, алє же добре же и омбудсман нащивел шидску општини же би вєдно проблеми були ришени.

ПОВЯЗАНИ ТЕКСТИ