КОЦУР – КУД „Завичайно врело” з Коцура всоботу, 17. юния, отримало Рочни концерт, хтори бул и гуманитарни, понеже приход з уходнїцох наменєни за лїченє Желька Шанту, школяра коцурскей ОШ „Братство єдинство“, котри ма пойсц на операцию очох до Русиї.
З тей нагоди назберани 40 000 динари, та ше з тим и КУД „Завичайно врело” уключело до тей широкей гуманитарней акциї.
На концерту у коцурским Доме култури пред числену публику з танцами зоз свойого репертоару перше наступели госцуюци ансамбли – АКУД УНС „Соня Маринкович“ з Нови Саду и КУД „Жатва“ з Коцура, а на концу наступели домашнї аматере з КУД „Завичайно врело“, котри публики приказали танци младшей и старшей ґрупи танєчнїкох.
