НОВИ САД – У Музею Войводини нєшка, 21. децембра, будзе отворена Рочна вистава фоторепортерох Нового Саду и Войводини з назву „Обєктивно”, а з нагоди „Фоторепортерского нового року”, хтори ше уж вецей як 50 роки означує у Новим Садзе.
На вистави буду виложени роботи 30 активних новосадских и войводянских фоторепортерох, а медзи нїма и фоторепортерки наших новинох „Руске слово” Вероники Вуячич, як и фоторепортерох хтори робя за други новински хижи у Войводини, медзи другима, Ярослав Пап.
Вистава у Ґалериї Музею Войводини (Дунайска 37) нєшка будзе шветочно отворена на 19 годзин, а тирва по 15. януар.
Тогорочни орґанизаторе вистави фоторепортере „Дневнику” и Фото-асоцияциї Войводини, Музей Войводини, свойофайтови домашнї будзе НВУ „Мадяр Со”, а виставу ше отримує з потримовку Управи за културу Городу Нови Сад.