РУСКИ КЕРЕСТУР – У парохийним Каритасу св. Миколай з нагоди свойого швета вчера нащивел старих на їх штвартковим друженю, поприповедал з нїма и подзелєл им дарунки.
Пригодну програму виведли дзеци хтори ходза на свойо пиятково друженя до Каритасу, а пририхтала их координаторка Каритасу Ясмина Надь. Орґанизовац тото стретнуце помогли и стаємни волонтере Мария Виславски, Веруна Пашо и Михайло Русковски.
