ВЕРБАС – Од 1. октобра по 30. новембер, Републични завод за статистику запровадзи у општини Вербас Анкету о структури польопривредних ґаздовствох.
Анкету ше запровадзує у трирочним периодзе, помедзи два пописи польопривреди, и представя значне структурне виглєдованє у системи статистики польопривреди.
Под час реализациї анкети, анкетаре буду нащивйовац польопривредни ґаздовства на териториї општини Вербас и зазберовац податки о хаснованю польопривредней жеми, числу статку, механїзациї, роботней моци, методи продукциї и другим.
За потреби анкети од вчера, 15. авґуста, по вовторок 21. авґуст, тирва приявйованє кандидатох за анкетарох хтори буду анґажовани на тим проєкту, а приявйованє заинтересованих кандидатох будзе ше окончовац виключно прейґ веб апликациї хтора поставена на интернет боку Републичного заводу за статистику.