Народней библиотеки у Кули подаровани кнїжки по руски

автор там
1k Опатрене

КУЛА – Новинско-видавательна установа „Руске слово” з Нового Саду, у рамикох акциї дарованя кнїжкох месним и школским библиотеком у местох и општинох у хторих жию Руснаци, стреду, 4. априла, подаровала 150 кнїжки Народней библиотеки у Кули.

Вчера уручени скоро 70 наслови познатих руских писательох, звекшого новши виданя по руски – романи, збирки приповедкох и писньох, збирки драмских текстох и кнїжки з обласци историоґрафиї, науки о язику и литературней критики, як и прозу и поезию за дзеци и младих.

Представнїки НВУ „Руске слово”, директорка Мартица Тамаш, одвичательни редактор Видавательней дїялносци Микола Шанта и одвичательни редактор часописа за литературу, културу и уметносц„Шветлосц” Микола М. Цап, визначели же циль тей акциї популаризованє и векша доступносц кнїжкох на руским язику, алє и очуванє, розвой и афирмованє руского литературного язика и пестованє националного идентитета Руснацох.

У 2017. року „Руске слово” подаровало кнїжки школским, месним и библиотеком културно-уметнїцких дружтвох Руснацох, як и предшколским установом у Руским Керестуре, Вербасу, Коцуре, Дюрдьове и Шиду. У 2018. року акция будзе предлужена и у Беоґрадзе, Сримскей Митровици, Суботици, Новим Орахове, Бачкей Тополї, Беркасове, Бачинцох, Бикичу, Ґосподїнцох и Жаблю.

ПОВЯЗАНИ ТЕКСТИ