СУБОТИЦА – У шветочней сали Городскей хижи вчера вечар отримани перши екуменски Крачунски концерт, у орґанизациї мадярскей редакциї Радия „Мария”, а медзи седем учашнїками, бул и Мишани хор Катедралней церкви св. оца Миколая. .
Керестурски хор, под дириґентским руководзеньом Лидиї Пашо, виведол три коляди – „Земля Юдейска”, „Спи, Исусе, спи” и „А в Єрусалиме”, а у дуету наступели Кристина Афич и Зоя Шанта. За свой наступ Хор достал барз вельки аплаузи.
На концерту зоз крачунскима шпиванками на мадярским и бунєвацким язику, участвовали и хори и шпивацки ґрупи з римокатолїцкей, реформованей и евенгелскей заєднїци, з Чантавиру, Дюрдїну, Таванкуту, Бечею и два зоз Суботици, а пре хороту нє могли участвовац и представителє Православней церкви.
Концерт провадзело красне число публики хтора потримала шицких учашнїкох, а директно го преношел Радио „Мария” на шицких своїх фреквенцийох.