На соботу УО Рускей матки и проєкция филма Акция „Висла”

автор апм
721 Опатрене

ВЕРБАС – На соботу, 22. децембра, у вербаским КПД „Карпати”, зоз початком на 18 годзин, будзе отримана заєднїцка схадзка Управного одбору Рускей матки и Редакцийного одбору глашнїка Рускей матки „Руснак”.

На Дньовим шоре буду розпатрани предкладаня за вибор и менованє членох Одбора за образованє, Одбора за културу, Одбора за информованє и Одбора за урядове хаснованє язика и писма у Националним совиту Руснацох, спред виберанковей лїстини „Млади маю першенство” и Рускей матки, як и догварка о наступних активносцох.

По законченю схадзки, на 18,15 годзин, у просторийох КПД „Карпати” будзе приказани и бавени филм Стоваришеня Лемкох Акция „Висла”, друга часц, у режиї Андрия Копчу. Тот филм будзе приказани и 29. децембра у Месним одборе Рускей матки у Руским Керестуре, а у фебруару 2019. року и у КПД „Дюра Киш” у Шиду и Историйским архиву „Срим” у Сримскей Митровици.

ПОВЯЗАНИ ТЕКСТИ