ШИД – На соботу, 6. октобра, будзе отримани треци Медзинародни мултижанрови фестивал руского филма под назву „Русин филм фест“.
Тема тогорочного фестивала „Подкарпатє, вчера и нєшка“, а отверанє фестивала будзе у сали Културно-образовного центра (Карадьордєва улїца число 42) з початком на 14,30 годзин.
После филмских проєкцийох будзе отримани и традицийни коктел за учашнїкох и госцох фестивала у будинку Лєтнєй владическей резиденциї дзе буду змесцени госци зоз иножемства, а на нєдзелю буду присутни на Служби Божей у церкви Преображеня Господнього.
Орґанизатор фестивала Руска матка – Реґионални одбор за Срим.