БАЧИНЦИ – У нашей грекокатолїцкей парохиї св. Луки у Бачинцох тих дньох ше докончує вельку роботу – поставянє нового закрица на церкви, цо почало у априлу.
Як Рутенпрес дознава од бачинского пароха о. Дарка Раца, на закрицу зняти стари дослужени плех, заменєни здирвети лати и два роги, а други поровнани, положена паропрепущуюца фолия и нови плех, а коло закрица поставени и циви. Роботи поробени на цалим закрицу, окрем на апсиди, на полукружней часци у чолє церкви.
Роботу поробело подприємство „Новотни” зоз Сримскей Митровици”, а пенєж обезпечени прейґ католїцких орґанизацийох з Нємецкей.
