ВЕРБАС – У КПД „Карпати” у Вербаше нєшка, 20. мая, будзе Седми Хорски фестивал „Карпати“ на хторим наступя нашо хори з Руского Керестура, Дюрдьова, Нового Саду и Вербасу, а як госци Хор єврейскей општини Нови Сад „Хашира“ и Кор Културного центру Вербас „Бачки шпиваче“. Наявени и наступ госцох з України – музичного ансамблу и шпивачох з Києва и Львова.
Орґанизацийни одбор Фестивалу наявел же того року манифестация будзе мац найвекше число учашнїкох дотераз и барз квалитетни наступи, та ше обчекує и велька нащивеносц публики.
Пред початком Фестивалу КПД „Карпати“ нащиви делеґация Амбасади України у Сербиї, а орґанизаторе на манифестациї обчекую и функционерох з нашей заєднїци, представительох Покраїнскей влади и локалней самоуправи.
Програма Фестивалу почина на 19 годзин, а уходнїца 100 динари.
