ВОЙВОДИНА – По школским календаре за 2018/19. рок, о чим правилнїк принєсол покраїнски секретар за образованє, предписаня, управу и национални меншини–национални заєднїци Михаль Нїлаш за основни и штреднї школи зоз шедзиском на териториї АП Войводини, нєшка остатнї наставни дзень у першим полрочю.
Жимски розпуст будзе тирвац по вовторок, 15. януар 2019. року, а такой перша собота, 19. януара, будзе роботна.
У другим полрочю школяре буду мац ярнї розпуст, од 19. априла по 2. май, и ище єдну роботну соботу – 4. мая.
Школски 2018/19. рок за основношколцох ше закончи 14. юния 2019. року.
Маломатуранти свойо осемрочне школованє законча 31. мая, а од 17-19. юний буду покладац закончуюци испити.
Штредньошколцом, котри того школского року закончую штварту класу ґимназийох, школски рок готови 24. мая, школяром тророчних и штиророчних фахових школох 31. мая, а гевтим другим штредньошколцом 21. юния.