Нєшка почина ,,Еґзит”

автор лик, фото ано
902 Опатрене

НОВИ САД – Нєшка почина ,,Еґзит” – найлєпши европски музични фестивал, на Петроварадинскей твердинї у Новим Садзе, хтори будзе тирвац до 15. юлия.

Титулу найлєпшого фестивалу у Европи, ,,Еґзит” нє достал першираз, а тогорочна рекордна заинтересованосц зазначена кед розпредати шицки комплети уходнїцох пред початком Фестивала. Орґанизаторе обезпечели надосц єднодньово уходнїци за 2,990 динари, окрем за нєдзелю кед уходнїца будзе коштац 3 590 динари.

Нови Сад полни з госцами, туристични капацитети, готели и мотели пополнєни зоз туристами зоз вецей як 70 державох швета.

Початком тижня отворени рижнородни кампи, а ,,Адико” банка оможлївює нащивительом же би направели рахунок на дзень фестивалу и так з карточку виплацели костиранє и пице на фестивалу.

Обчекує ше же хвиля нє погуби млади авантуристични дух шицких нащивительох, на вецей як 40 бинох, дзе наступя найпознатши музични гвизди на швеце як цо то Migos, Grace Jones, David Guetta, Martin Gartix, French Montana, Ziggy Marley, Nina Kraviz, Solomun, LP, Alice Merton, Amelie Lens, Mahmut Orhan и велї други.

ПОВЯЗАНИ ТЕКСТИ