ВЕРБАС – З нагоди 1. децембра, Шветового дня борби процив ХИВ/АИДС-у, Оддзелєнє за подмирйованє з креву и кревнима дериватами – Трансфузия Общого шпиталю Вербас, на ютре од 7 по 14 годзин орґанизує тестиранє и совитованє.
Под мотом „Шицки ше рахую”, Шветова здравствена орґанизация заступа приступ зоз сиґурнима, ефикаснима и квалитетнима услугами кед слово о лїченю ХИВ-у. Тестиранє у Шпиталю будзе добродзечне, довирлїве, безплатне и без упуту.
Зоз вчасну дияґнозу ше хорому предлужи живот, зопера ше ширенє ХИВ инфекциї, а преношенє хороти мож зопрец лєм кед статус ХИВ-у познати.
Иншак, у 2016. року, з тим вирусом жиє 36,7 милиони особи на швеце, а истого року милиярду особи на швеце умарло пре хороти повязани зоз АИДС-ом, а у Сербиї хвильково 2 369 особи инфицировани з ХИВ-ом.