НОВИ САД – Туристична орґанизация (ТО) Городу Нови Сад од нєшка орґанизує промотивни безплатни тури обходу Нового Саду. У маю предвидзени седем, а за наиходзацих мешаци датуми буду одредзени познєйше.
-У першим шоре жадаме едуковац наших согражданох о красоти городу и звекшац свидомосц о його туристичних знаменїтосцох. Прето зме уж орґанизовали даскельо безплатни промотивни индивидуални тури, на сербским и анґлийским язику – сообщую зоз ТО Нового Саду
У понуканю єст три тематски тури, та заинтересовани хтори ше ТУ приявя, можу виберац обход хтори им найбаржей по дзеки. Зоз єдней ИП адреси можу ше приявиц максимално два особи, а у каждей тури можу буц найвецей 25 особи.
Нови Сад з єврейского угла
Тирванє: 65-70 минути
Рута: Площа шлєбоди, Єврейска улїца, Синаґоґа
Заинтересовани дознаю о просторох хтори стюваряли и у хторих жили члени дакеди барз численей и значней єврейскей заєднїци през веце як три вики длугей историї Нового Саду, а найвецей о комплексу Синаґоґи, як фундаменту духовного, дружтвеного и културного живота єврейскей заєднїци Нового Саду.
Датуми: 14, 21. и 28. май
Час:17-18,10 годзин.
Нови Сад зоз женского угла
Тирванє: 70 минути
Рута: Площа шлєбоди, Католїцка порта, Греческошколска, Пашичова, Дунайски парк, Сонї Маринкович
На тим туристичним обходзе заинтересосвани дознаю о алтернативней, алє нє менєй значней историї городу през приповедку о познатих женох, през шпациранє коло хижох у хторих вони жили.
Датуми: 18. и 29. май
Час:18-19,10 годзин.
Петроварадинска твердиня
Тирванє: 70 минути
Рута: Площа владики Николая, Штросмаєрова, манастир и церква св. Юря, леополдова капура, Горня площа Петроварадинскей твердинї
Заинтересовани дознаю о будованю Твердинї и єй архотектох, о утвердзенхьох хтори ту були пред саму вибудову Твердинї, римокатолїцкей церкви св. Юря, Мамулиновей касарнї, Турню зоз годзину, Подовоим кругу, вельке битки при Петроварадину…
Датуми: 22. и 29. май
Час:18-19,10 годзин.