ШИД – Вчера у Ґимназиї „Сава Шуманович” у Шидзе, з пригодну програму означени 21. фебруар, Медзинародни дзень мацеринского язика.
У програми, хтору пририхтали школяре и професоре, представени сербски, нємецки, анґлийски, горватски, русийски, словацки и руски язик.
Руснацох представял Божидар Загорянски, школяр першей калси Ґимназиї хтори гуторел писню Якима Чапка „З хрибтом ґу слунку“.
У програми участвовали и двойо школяре миґранти зоз Авґанистана Рашид и Лима хтори представели фарси язик, а Рашид бешедовала и по сербски.
У Ґимназиї ше як виборни предмети виучую руски и словацки язик з елементима националней култури, а професор Зденко Лазор на роботньох ма шесцерих школярох хтори на тот способ виучую руски язик.