ДЮРДЬОВ – Всоботу, 11. авґуста, у Дюрдьове орґанизована штварта „Ловарска ґулашияда” у орґанизациї Ловарского дружтва (ЛД) „Дюрдьов” з Дюрдьова.
Змагала ше трицец єдна екипа, углавним з Дюрдьова, алє и других местох Войводини. у вареню паприґашу зоз дзивини. Кажда екипа достала три килограми меса зоз єленя. Смак и випатрунок оценьовал трочлени жири – Марко Чурчич, шеф кухнї Готела „Нови Сад”, Мирко Трнинич, власнїк печеняри „Бос” у Жаблю и Чедомир Летич, власнїк Етно ресторана „Летич” у Дюрдьове.
Перше место, уж други раз, завжала екипа „Млїн Суботин” (кухар Пая Малешев), друге место „Червени” (екипа Наглей помоци зоз Жаблю), треце место „Ище вше перша класа” зоз Дюрдьова. За освоєне даєдно з перших трох местох орґазнизаторе обезпечели медалї, а за перше место погар, мурованє роштилю и вечеру у ресторану.
Орґанизатор ЛД „Дюрдьов” источасно и найвекши покровитель тей манифестациї, а помогли и Месна заєднїца Дюрдьов и веей як трицец спонзоре зоз валалу и општини.
